લખી કળતર હૃદયમાં કૈક, તડપાઈ ગઈ બોલો,
ગહનતા જિંદગીની તર્ત વંચાઈ ગઈ બોલો.
હવે તાકી રહે છે લોક સૌ અમને નવાઈથી,
હૃદયની વાત સૌ ચ્હેરે બધી છાઈ ગઈ બોલો.
ફરી શોધી જ કાઢ્યાં કૈ પ્રસંગો મેં વિતેલા જો,
હતી પીડા ઘણી જે આજ ગઝલાઈ ગઈ બોલો.
સતત ને એક સરખું જીવવું હોતું નથી કાયમ,
બધીયે લાગણીઓ એમ સમજાઈ ગઈ બોલો.
પ્રણયમાં બસ રહ્યો છે વસવસો આ એટલો "જયલા"
કહીને "હા" પછી એ ક્યાંક સંતાઈ ગઈ બોલો
---જયલા
No comments:
Post a Comment