ગઝલ
--------- ---- જવાહર બક્ષી
મેં ક્યારે કહ્યું કે સ્મરણ પી ગયો
ફક્ત હોઠ પરથી રટણ પી ગયો
મને શુષ્ક નજરે એ જોતા રહ્યા
ને હું ભીનું વાતાવરણ પી ગયો
વધીને તરસ જાણે તડકો બની
હું જળ સાથે પડછાયા પણ પી ગયો
મને દોટ મુકવા શું કહેતો હશે ?
આ રસ્તો, જે મારાં ચરણ પી ગયો
હો છાંટા કે છાલક કે બારે ય મેહ
રહ્યું એનું જે કંઇ વલણ, પી ગયો
બે ક્ષણ વચ્ચે મેં જળસમાધિ લીધી
લો, આખું સમયનું ઝરણ પી ગયો
જવાહર બક્ષી
No comments:
Post a Comment