ગઝલ

શ્વાસ છૂટયાની ઘડીની હાય શું ?
મોહમય માટી થથેડી કાય શું ?

હોય ના કવિજન ગઝલમાં ભાય શું ?
ઓ ગુણીજન તું ય આપે રાય શું ?

ઓ દિશાઓ શોધું ક્યાં એને હવે,
શહેર આખર છે પરાયું થાય શું ?

ખૂબ નમણું, સહેજ અતડું રે હ્રદય,
ના સ્પર્શે ભીનાશ ભીતર ન્હાય શું ?

લાગણી સંભાળજે જ્યાં ઢાળ હો,
ના અડકતો માલીપો ત્યાં જાય શું ?

લત,નયન, સપનાં સમેટી જાઉં કયાં ?
રાતરેઢા છો ય રખડે લ્હાય શું ?

પળ અનાહત પળ અનારત હો નિશિ,
હોય રાગાવેગ ના ત્યાં ગાય શું ?
Dt : 28/8/2017          ** નિશિ **