અશ્રુની ભાષા કદી વંચાય શું?
સુખનુ કે દુ:ખનુ કદી પરખાય શું?
આંખમા ઢાંક્યુ કશું ઢંકાય ના
લાગણી રોકી કદી રોકાય શું?
હોય કે ના હોય,એ;પણ હો તડપ
આ હ્રદયને પ્રેમનો પર્યાય શું !
આભમાં ઉંચે ભલે ને એ ઉડે
એક રજથી સૂર્ય લગ પ્હોંચાય શુ?
સ્વપ્ન તુટ્યાનો કદી ના શોર થ્યો
દિલ તુટે તો ચીસ પણ નંખાય શું!!
સુખ વધે છે વ્હેચવાથી સાચુ છે
દુ:ખ બજારે કોઈ દી વેચાય શું?
હોય મુંઝારો છતાં જીવે બધા
જીવવાનુ એટલે છોડાય શું?
કિરણ જોગીદાસ
No comments:
Post a Comment