ગઝલ

કાયમ નહી ક્યારેક એવુ થાય છે,
જુના જખમ દર્દો નવા દઈ જાય છે.

એવો તે કેવો પ્રેમ એનો છે ભલા,
દિલથી કર્યો તો આંખમાં વરતાય છે.

આવ્યા અમે પાછા જઈને છેક ત્યાં,
રૂડુ ફકત જે દુરથી દેખાય છે.

ક્યારેક તો ચિંતા કરો થોડી ઘણી,
હાલત હવે હદ પાર કરતી જાય છે.

દીવો હતો હાજર અને આ રાત પણ,
જા પુછ એને કે મને શું થાય છે??

ડુબે પ્રથમ તો પ્રેમમાં જાતે કરી,
કહેશે પછી શ્વાસો હવે રુંધાય છે.

ગોપાલને જેઓ રડાવીને ગયા,
એની હસી માટે નયન ભીંજાય છે.

THE VILLAGE BOY "ગોપાલ"