ગઝલ

આપણને મારીએ...

કોઈ એ ધાર્યું નથી તે આજ ધારીએ,
તીર રાવણને નહી, આપણને મારીએ .

હાથ ને મસ્તક બધા કાપી શકે છે,
શક્ય હોય તો આભને આખું ઉતારીએ.

સામસામા બેય સમજણ ના કરે તેથી,
ઝઘડતાં આ જોઈ બન્ને પક્ષને વારીએ.

ખુદ રસ્તો જાય થાકી એવા વિચારે ,
આપણાં પર આપણે આજે સવારીએ.

સુખને ધમકાવશું , દુઃખોને બોચીથી,
જિંદગીના બાગની ભાતો વધારીએ.

રોજ આવે છે પરોણાની અદાથી તું,
તક મળે તો ખુદ આવીને પધારીએ.

                    --રાણા બાવાળીયા