નયનના ઈશારામાં સમજી જવાનું,
પ્રણયમાં નથી સઘળું સમજાવવાનું!
બધું સહેલું ક્યાં યાદ તો રાખવાનું?
ને અઘરું છે કંઈ પણ કદી ભૂલવાનું!
એ જાણે છે મેળવવું જીવનમાં, દોસ્તો!
ન શીખ્યો છે માણસ કશું છોડવાનું!
ન તું માની લે આવડી સૌ ગયું છે!
ઘણું છે હજી બાકી જો, શીખવાનું!
સતત દોડવામાં ભુલી જાય છે એ,
સરસ રીતે જીવન અહીં માણવાનું!
નમાવી નહીં શકશે મરજી મુજબ તું!
આ મસ્તક નથી જાણતું ઝૂકવાનું!
કહી દેશે આંખો બધી વાત દિલની,
પ્રણયને તો છે અઘરું છુપાવવાનું!
- હેમંત મદ્રાસી
No comments:
Post a Comment