ગઝલ

કહેતા હો તો ગણતરી દુશ્મનોની હમણાં જ કરાવી દઉં
ને પછી જ સદા શાંતિ  માટેનું યુદ્ધ છેલ્લું આરંભ કરી દઉં

મૌન સામે ચીસો ને ચિત્કારો આખરે થાકી ને હારી ગયા
હવે હળવેકથી ની:શબ્દ ને શબ્દ માં આજે કહી  જ દઉં

કસોટી તો રણ અને ગુલાબ–બંને ની એક સરખી જ હતી
ફરિયાદની આ વાત અસ્તિત્વના કાનમાં આજે કરી જ દઉં

શુકન અને અપ-શુકન બંને રહે છે ખુબ  જ  છેટા મુજ થકી
કર્મના હવન માં હજી યે સ્વેચ્છાથી સ્વને સમર્પિત કરી લઉં

આળસ ના ઓશીકે સુતેલું છે  સોડ તાણીને  નસીબ - ત્યાં
આવડત અને અનુભવ  ને હમણા જ  કામે લગાડી દઉં

અભિમાન અને અહંકાર  એની રાજ-રમત શરુ કરે ઈ પહેલા
શરીર ના મેદાન માં નિયમ - શરતો સજાગતા ના મૂકી દઉં

તારા"પરમ"પવિત્ર પગલાનો અણસાર મને મળે ઈ પહેલા
"પાગલ"થઇને આજ અનંતની અંતિમ તૈયારી કરી લઉં

--ગોરધનભાઈ વેગડ (પરમ પાગલ)