🍀🍀🍀🍀🍀🍀🍀🍀🍀🍀🍀
લટકે તાળું
લઘરી આશા લથબથ ઝૂલે,
અંધારાં અજવાળાં વચ્ચે તાળું,
ના ચાવી નજરે ભાળું.
ધૂળ ભરેલું ગાડું વટકે રસ્તે અવળું જાય ઝપટમાં,
આમ નહિ પણ તેમ વહે આ સરિતા કેરા પટમાં.
અધકચરું ને અધવચ્ચે જે છટકે ઠાલું ઠાલું.
અંધારાં અજવાળાં વચ્ચે.....
દ્વાર કનેરી ઊભી ડોલી, ના આવે ન જાય આઘેરી,
વળગી પણ ના વરસી, તરસ્યા પડછાયાના વેરી.
બે પાટાની વચ્ચે ગઠરી મુકી છૂટે જો ગરનાલું.
અંધારાં અજવાળાં વચ્ચે...
– ડૉ. ભાવેશ જેતપરિયા
🍀🍀🍀🍀🍀🍀🍀🍀🍀🍀🍀
No comments:
Post a Comment