ગીત

🌧 ગીત :- "વાતોનું એક વાદળ" ....✍

લઈને એક પીછું
  સાવ બેઠો કોરો કાગળ
  આવ લખીએ આગળ-પાછળ
             વાતોનું એક વાદળ....

  સંબોધનમાં છલકાવીને લાગણીઓના પૂર
અક્ષર લીલાછમ્મ નીકળે યાદોના ભરપૂર
લઈને રાત-દિનુ ,
    સપનાઓમાં સળવળતું ને
     ઘૂઘવતુ ઘટનામાં પળપળ
              વાતોનુ એક વાદળ....

ધરતીને અંબરનું અંતર હટી જાય ઘડીમાં
લખી લખી ઓછું શું લખવું     નદી -દરિયાઓ સહીમાં
લઈને હેતુ ભીનું
    અંધારામાં પણ ઉકલશે
    અર્થ ભરેલા શબ્દો પાછળ
            વાતોનું એક વાદળ.....

🌧ડૉ.ભારતીબેન બોરડ ...અમરેલી ...✍