તને સમરથ કરવા માગું
તને સમરથ કરવા માગું
હૈયાના તાર લંબાવી તાગું
નિર્મળ ઉદાસ તારી ભાવનાને હું જાણું,
શબ્દોની જોડણીઓ કરીને હું પ્રમાણું.
કલા નિપૂણતા વૈવિધ્ય ભાવને હું તાકું,
કોરી પાટીમાં હું એમ કરીને આંકુ ?
તને હું સમરથ કરવા માગું....
કુદરતના ખોળે રમતા બાળને ઝુલાવું,
પરમાર્થી ગોદમાં હું એમ કરીને લાવું.
અબોલ તારી નિર્મોહી મમતાને ખોળું,
વેદનાની વાચા સમજી જાત ઢંઢોળું ?
તને હું સમરથ કરવા માગું...
આભૂષણોથી અંજાયેલી આંખને માપું,
એમ તારી રોશનીને પરગટ કરી આપું.
તારી કલા, નિપૂણતા- સર્વે ચુંબન ઝીલે,
આપતા માઁનું હૈયું સોળ કળાએ ખીલે.
તને હું સમરથ કરવા માગું...
જાદવ ઉષા (મોરબી )
No comments:
Post a Comment