ઈશ્વરનું સર્જન ખાસ છે જીવન.
ને મેઘધનુષ્યનો ભાસ છે જીવન.
પ્રક્રુતિની મનભાવન મ્હેક બની,
ભરતી ઓટનો અવકાશ છે જીવન.
છે સપ્તરંગી સ્વપ્નાંઓ ગુલાબી,
ને અગોચર આવાસ છે જીવન.
છે સુખ અને દુઃખનો સથવારો,
મધુરો ને કડવો વાસ છે જીવન.
સમજી લે સતધર્મનો સાર,
ચારેકોર એનો ઉજાશ છે જીવન.
ચાલવાનું ફૂલ કંટકની કેડીએ,
એનો અનોખો પાશ છે જીવન.
મોંઘો છે અલબેલો આનંદ એ,
મળે ન મળે અનાયાસ છે જીવન.
પ્રીતિબા ગઢવી
No comments:
Post a Comment