ઈશ માટેની દુઆ કરવી ભલી,
જિંદગીની આ નદી તરવી ભલી.
ને થયું આ મન પવિત્ર મુજ તણું,
આ જગતની ખેવના ભરવી ભલી.
ચાંદ ની મો'લાત છે આ ચાંદની,
ને ધરા પર રોજ એ ધરવી ભલી.
એષણાઓ નાશ પામી સૌ તણી,
ને હવે!આ જિંદગી જીવવી ભલી.
ખોળિયામાં જીવ મારો જ્યાં લગી,
ત્યાં સુધી આ ઝૂંલડી સિવવી ભલી.
છે અધૂરી આપણી ઈચ્છા ઘણી,
બસ થયું!તે આશ ને જીરવી ભલી.
ના કદી આ પિંડને તકલીફ છે,
થઈ શકે તો આજ એ ખરવી ભલી.
@ વિજય ત્રિવેદી
No comments:
Post a Comment