સ્વાદમાં તો ફેર છે,પણ મન ભરી પીધા કરો;
કોઇ આપે ઝેર છે,પણ મન ભરી પીધા કરો.
જીવવાનું ચિત્ર દોરી સૂર્યનું સહુને અહીં;
ચોતરફ અંધેર છે, પણ મન ભરી પીધા કરો.
ક્યાં કહું છું,દુ:ખના ડુંગર તમારી પાસ છે?
ખૂબ લીલા લ્હેર છે,પણ મન ભરી પીધા કરો.
આયનો થઇ આપણે ફૂટી ગયા છીઅે બધા;
કાચ સાથે વેર છે, પણ મન ભરી પીધા કરો.
લાગણીને ગ્લાસમાં નાખી અને આપે સતત;
કોઇ કાળોકેર છે,પણ મન ભરી પીધા કરો.
-જિજ્ઞેશ વાળા
No comments:
Post a Comment