સમય છેતરે, છેતરે હર ઘડી તો ફરક શું પડે છે !
ને ક્ષણ છેતરે, છેતરે જો સદી તો ફરક શું પડે છે !
છળાતી તરસ બાવરી થઈ ભટકતી, હવે આળસુને,
આ રણ છેતરે, છેતરે જો નદી તો ફરક શું પડે છે !
પ્રતીક્ષા ભરી સાંજ ઉગતી ને એવી જ આથમતી રે'તી
સદા છેતરે, છેતરે જો કદી તો ફરક શું પડે છે !
નગર આખું સપનાનું ઝાકળ બનીને ઉડે પાંપણેથી,
પ્રહર છેતરે, છેતરે આંખડી તો ફરક શું પડે છે !
હતું દ્વાર ખુલ્લું જરાં તો ટકોરા અછૂતા રહી ગ્યાં
એ હક છેતરે, છેતરે આંકડી તો ફરક શું પડે છે !
પૂર્ણિમા ભટ્ટ
No comments:
Post a Comment