*ગઝલ - ગુજરાત છે*
હા , રગે રગ પાંગરી , ગુજરાત છે ,
દિલની વચ્ચે સંઘરી , ગુજરાત છે .
જન્મ લીધો પોરબંદરમાં અહો !! ,
ગાંધી ખુદ વિશ્વંભરી , ગુજરાત છે.
શીશ આ ઝૂકે અદબથી માત ને ,
આ જ તો ઓળખ ખરી , ગુજરાત છે .
આત્મ ગૌરવથી છલોછલ ગુર્જરી ,
વિશ્વભરમાં વિસ્તરી , ગુજરાત છે.
છાતી છપ્પનની ખમીરી ખૂબ છે ,
જાત એની ચિતરી , ગુજરાત છે.
એક ત્રાડે એ કહે "મિત્રો" પછી ,
ધ્રૂજતી થરથર ધરી, ગુજરાત છે.
*દિલીપ વી ઘાસવાળા*
No comments:
Post a Comment