ગઝલ :::: તળ હતું..
ડૂબવા દિલ, આંખમાં વિહ્વળ હતું,
પાંપણે તો છીછરું એ તળ હતું.
સાર ગીતાનો ભલે સારો હતો,
એક બીજું યુદ્ધ તો પાછળ હતું.
પામવાની હોડમાં થાકી ગયા,
હર ક્ષણે બસ કોઈ તો આગળ હતું.
કુંડળીમાં તું લખાયેલી હતી,
પણ નસીબની આડે એક વાદળ હતું.
કેટલા યત્નો કર્યા મેં પામવા !!?
આંખમાં કોને ખબર શું છળ હતું .
જળ પટલ પર બિંબ તો તારું હતું,
એ થકી સન્માન એ કેવળ હતું.
દિલીપ વી ઘાસવાળા
No comments:
Post a Comment