🍀🍀🍀🍀🍀🍀🍀🍀🍀🍀
સૂની ડેલી
વળવા જેવું ન હોય તોયે પગલાં વળવા લાગે.
ખખડે આંગણ શમણાં ઊભા બળવા લાગે.
ભારે ડૂસકાં ચીસો ખિસ્સે રેઢી આંખો વરસે,
ભાવભરી વિસ્તરતી લીલા ખાલીપામાં તરસે.
વાવડ લેવા દોડે ઝરણાં ખખળવા લાગે.
વળવા જેવું ન હોય તોયે....
પથ્થરનાં પારેવાં ધૂ ધૂ કરતા આવે પર્વત ટોચે,
ધજાના પડછાયે સમડી આકાશે જઈ પહોંચે.
જેઠી ઝબકે શ્રાવણ હિબકીને ઉછળવા લાગે.
વળવા જેવું ન હોય તોયે....
શ્વાસોનાં શણગાર પહેરી નાવ સાગર નાંગરતી,
રણ વચ્યે ઊગી વેલને ફૂલડે આશપાંગરતી.
સૂની શેરી ચોક ડેલીબંધ સાંકળ ગળવા લાગે.
વળવા જેવું ન હોય તોયે....
ડૉ. ભાવેશ જેતપરિયા
🍀🍀🍀🍀🍀🍀🍀🍀🍀🍀
No comments:
Post a Comment