રંગનો તહેવાર એને ના ગમે,
સ્હેજ પણ વ્યવહાર એને ના ગમે !
સાવ કેવી માટીના માણસ છે એ,
પ્યાર જેવો પ્યાર એને ના ગમે !
સાદગી ઉપર કર્યું પી.એચ.ડી.,
એક પણ શૃંગાર એને ના ગમે !
એમનાં વિચાર સોનાનાં બધાં,
આપણાં વિચાર એને ના ગમે !
રોકડું પરખાવી દે હર વાતમાં,
સ્હેજ પણ ઉધાર એને ના ગમે !
એક તો સંસારમાં રહેવું અને,
શું કહું ? સંસાર એને ના ગમે !
ફૂલ એને બહુ ગમે છે પણ 'નિનાદ',
ફૂલ પર તુષાર એને ના ગમે !
- *નિનાદ અધ્યારુ*
No comments:
Post a Comment