છંદ

માડ઼ી             છંદ -- ત્રીભંગી
             ---------------------

તું કલમ કવનમાં, પાઠ પઠનમાં ,
ભાવ    ભજનમાં     કીર્તનમાં,
ગાયન  વાદનમાં,   મનરંજનમાં
કર  ,    કંગનમાં ,       કંચનમાં
તું   નંદનવનમાં,    નીલગગનમાં,
અગન ,   પવનમાં     ઉપવનમાં,
માડ઼ી  તનમનમાં,   હર  ધડ઼કનમાં
તું      જનજનના       નયનનમાં .

તું   આજ  ઉમંગે,   તાલ   મૃદંગે,
રમતી      રંગે ,      સહુ      સંગે,
હર   મોજ   તરંગે,   યમુના  ગંગે,
છંદ         ત્રિભંગે ,          સારંગે.
વિકરાળ   ભુજંગે,    ચાલ  તુરંગે,
કીટ        પતંગે,          મધુબનમાં,
માડ઼ી   તનમનમાં,   હર   ધડ઼કનમાં,
તું        જનજનના        નયનનમાં.

દુશ્મનને        મારે,     દેશ    ઉગારે,
તું       ભવ        તારે         પરબારે.
જો    ભકત   પુકારે,    એક   ઈશારે,
ધારે          એને                 પડ઼કારે
તવ નામ ઉચ્ચારે,    સાંજ     સવારે
પાર            ઉતારે           જીવનમાં,
માડ઼ી      તનમનમાં,     હર  ધડ઼કનમાં
તું          જનજનના          નયનનમાં.

તું     ગરબા    ગાવે,     નાચ    નચાવે,
જગ      ડોલાવે,                 મનભાવે,
મા   તું   જ    હસાવે,   તું   જ   રડાવે,
'પુષ્પ '         ખીલાવે,            મહેકાવે.
તું     ગગન    ગજાવે,   જલ   બરસાવે,
ગીત          લખાવે               ગૂંજનમાં ,
માડ઼ી       તનમનમાં,       હર   ધડ઼કનમાં,
તું           જનજનના            નયનનમાં.

                --- પબુ ગઢવી 'પુષ્પ '