એ રીતે બીજાની મદદમાં રહો,
બધાં પોતપોતાની હદમાં રહો !
ન ઉન્માદવશ્ કોઈ મદમાં રહો
અપેક્ષા છે આદમજી,કદમાં રહો!
આ સંકીર્ણતા છે બૃહદમાં રહો
ન આઘા ખસો ઉપનિષદમાં રહો
સદા દીનદયાળુ બિરદમાં રહો
બધા માટે મુદ્રા વરદમાં રહો !
બિકાનેર યા બોરસદમાં રહો !
ગમે તે સ્થળે હો વિશદમાં રહો !
સમયને બીજા નામે ઉત્સવ ગણો
ગમે તે ક્ષણોએ પ્રમદમાં રહો
મેં પૂછ્યું:રદીફ કે ગઝલમાં રહું ?
તો પંડિત વદ્યા કે શબદમાં રહો !
-------- ભરત ભટ્ટ --------------
*કોરોના મહામારી અંતર્ગત લોકડાઉન સ્થિતિ જોઈને.
No comments:
Post a Comment